বুধবাৰে : পুৱা টাইৱানৰ এটা অংশ কঁপি উঠে। স্থানীয় সূত্ৰ অনুসৰি ভূমিকম্পৰ প্ৰাবল্য আছিল ৰিখটাৰ স্কেলত ৭.৫। প্ৰচণ্ড ভূমিকম্পৰ ফলত কেইবাটাও বহুমহলীয়া অট্টালিকা এটা দিশলৈ হেলনীয়া হৈ পৰিছে। কোনো লোক হতাহতৰ খবৰ পোৱা নাই। জাপানৰ তৰফৰ পৰা ছুনামীৰ সতৰ্কতা জাৰি কৰা হৈছে।
আমেৰিকাৰ ভূতাত্ত্বিক জৰীপ (USGS)ৰ তথ্য অনুসৰি বুধবাৰে স্থানীয় সময় অনুসৰি পুৱা প্ৰায় ৮ বজাত টাইৱানৰ ৰাজধানী টাইপেই আৰু ইয়াৰ আশে-পাশে থকা অঞ্চলসমূহ প্ৰচণ্ড ভূমিকম্পই জোকাৰি যায়।
ইউ এছ জি এছৰ তথ্য অনুসৰি ভূমিকম্পৰ উৎস দক্ষিণ টাইৱানৰ হুয়ালিয়ান চহৰৰ পৰা ১৮ কিলোমিটাৰ দূৰত্বত আৰু ভূগৰ্ভৰ তলত ৩৪.৮ কিলোমিটাৰ গভীৰতাত আছিল।
তীব্ৰ মাত্ৰাৰ কম্পনৰ বাবে স্থানীয় বাসিন্দাসকল আতংকিত হৈ ঘৰ এৰি ৰাজপথলৈ ওলাই আহে। শেহতীয়া খৱৰ অনুসি, কোনো লোকৰ মৃত্যু হোৱা নাই যদিও ভূমিকম্পৰ ফলত ব্যাপক ক্ষতিসাধন হয়।
স্থানীয় সংবাদ সংস্থাসমূহৰ মতে, ওখ অট্টালিকাসমূহ এটা দিশলৈ হালি পৰিছে। বাসিন্দাসকলে ছ’চিয়েল মিডিয়াত ইয়াৰ ভিডিঅ’ও পোষ্ট কৰিছে।
No comments:
Post a Comment