শ্বাহৰুখক লৈ প্ৰীতি জিন্তাই কৰা মন্তব্যত তোলপাৰ বলীউডত ! কি এনে কথা ক’লে প্ৰীতিয়ে?

 

অভিনেত্ৰী প্ৰীতি জিন্তাই এক সাক্ষাৎকাৰত দাবী কৰে যে বলীউডৰ তাৰকা শ্বাহৰুখ খানে অসুন্দৰী মহিলাৰ সৈতে অধিক সম্পৰ্ক স্থাপন কৰি ভাল পায়।

শেহতীয়াকৈ ছচিয়েল মিডিয়াত এটা ভিডিঅ’ ভাইৰেল হৈছিল য’ত প্ৰীতিয়ে কৈছিল যে শ্বাহৰুখে অসুন্দৰী মহিলাৰ সৈতে বেছি কথা পাতে। এটা কথাই মোক আচৰিত কৰি তোলে। আমি যেতিয়াই ক’ৰবালৈ যাওঁ তেতিয়াই তেওঁ কেৱল অসুন্দৰী মহিলাসকলক মাতে।

ইয়াৰ উত্তৰত শ্বাহৰুখে ক’লে, ‘মোৰ সিহঁতক ধুনীয়া বুলি ভাবো। সকলো নাৰীক মই ধুনীয়া বুলি ভাবো। মই বিচাৰো নাৰীয়ে মোক গোটেই জীৱন ঘেৰি ৰাখক। নাৰীসকল সচেতন, কোমল, নম্ৰ, সুন্দৰী। নাৰীসকলৰ গাৰ গোন্ধ সুন্দৰ, তেওঁলোকৰ কণ্ঠস্বৰ সুন্দৰ, তেওঁলোক ধুনীয়া। মই নাৰীক বৰ বৰ ভাল পাওঁ। আৰু মই এইটো লুকুৱাই নাৰাখোঁ। কিন্তু এই প্ৰেমত মোৰ কোনো শাৰীৰিক আকৰ্ষণ নাই। নতুবা সম্পৰ্ক গঢ়ি তোলাৰো কোনো উদ্দেশ্য নাই।’

অৱশ্যে প্ৰীতিৰ এই মন্তব্যক লৈ ক্ষুব্ধ হৈ পৰিছে শ্বাহৰুখ খানৰ অনুৰাগী। এজন অনুৰাগীয়ে লিখিছে, ‘প্ৰীতিক ইমান সৰু মনৰ যেন লাগিছে। যিসকলে লগ পাবলৈ আগ্ৰহী, শ্বাহৰুখে নিশ্চয় তেওঁলোককে মাতে। সৌন্দৰ্য্যৰ কথা ভাবি তেওঁ যেন কাকো মাতি অনা নাই বা নামাতে বুলি ভাবো। সেই মহিলাসকলে শ্বাহৰুখক ভাল পায়। সেইবাবেই তেওঁ তেওঁলোকক মাতি আনে বা মাতে।

প্ৰীতি জিন্তা বলীউডৰ এসময়ৰ জনপ্ৰিয় অভিনেত্ৰী। এতিয়াও তেওঁৰ অনুৰাগীৰ সংখ্যা কম নহয়। অৱশ্যে দীৰ্ঘদিন ধৰি বিৰতিত আছিল এইগৰাকী অভিনেত্ৰী।